Sunday, August 29, 2010

கடலிற் சிந்திய எண்ணெய்..........

                                                 கடலிற் சிந்திய எண்ணெய்

                                                  ---------------------------------------------

எண்ணெய்யே......!

                                        ஐம்பெரும் பூதங்களுடன் ஐக்கியம் ஆனவன்நீ.....

                                        செம்மையாக நிலத்திலே ஓடுகின்ற வாகனங்கள்

                                        நம்பிக்கையாய்க் கடல்தனிலே பயணிக்கும் கப்பல்கள்

                                        கும்மிருட்டில் பறக்கின்ற அண்டவெளி ஊர்திகட்கும்.........


                                        ஆக்கமான உந்துசக்தி.... ஆதாரசுருதி நீதானே!

                                        ஊக்கமும் ஒத்துழைப்பும் ஒருங்கே கொடுத்துதவி..........

                                       நோக்கமேது மில்லாது நொடிப்பொழுதில் கடல்நீர்மேல்....

                                       தேக்கமாக அழித்துக் குவித்தாயே உயிரினத்தை!

நீயோ...........

                                       அடிநிலத்துக் கிணற்றுக்குள் அசுத்தமாய்ப் பிறந்தவுன்னை

                                       துடிப்பான மனிதசக்தி துரிதமாகச் செயற்பட்டு...........

                                       வடிகட்டித் தரம்பிரித்து வாகனத்துத் தகுதிப்படி..........

                                       கொடிகட்டிப் பறக்குமாறு கலசத்துள் அனுப்பினரே!

மானிடனே............

                                       நடமாடும் மனிதர்களை நாசமாக்கி அழிப்பதற்கு.....

                                      உடம்பிலே குண்டுகட்டி உருக்குலைந்து சிதறுதற்கு....

                                     இடங்கொடுக்க எண்ணாதே நோக்கத்தை மாற்றிவிடு!

                                     கடலிற் சிந்திய எண்ணெய்க் கதைகேட்ட பின்னாலே!


*இக் கவிதை “ யூனிக்கோட்” எழுத்துருவில் எழுதப்பட்டது

Wednesday, August 25, 2010

24 வருடங்களின் பின்பு வெளிச்சத்திற்கு வரும் காணொளி (1986) சத்தியராஜன் ( PLOTE மீரான் மாஸ்ட்ர்) சிறையில் இருந்து எழுதிய திருமண வாழ்த்து...

இன்று 9 வருடங்கள் என் மகன் (PLOTE மீரான் மாஸ்ட்ர்) சத்தியராஜனை  இழந்து ...... என் மகனை நினைவு கூர்ந்து ............
    மலர்வு:----30-10-1962                                                   உதிர்வு:----25-08-2001


24 வருடங்களின் பின்பு வெளிச்சத்திற்கு வரும் காணொளி(1986) சத்தியராஜன் ( PLOTE மீரான் மாஸ்ட்ர்) சிறையில் இருந்து எழுதிய திருமண வாழ்த்து


யாழ்ப்பாணம் இராணுவகோட்டைச் சிறையில் இருந்து  என் மகன் சத்தியராஜன் எழுதிய திருமண வாழ்த்து (1986) 


பாட்டாளி பாராள வேண்டும் என்ற தந்தை - அவர்
பாதைதனைத் தொடர்ந்து செல்லும் அன்னை
அடக்குமுறை தனை உடைத்தெறிவோம் என்ற அண்ணன்
அநியாயம் கண்டு குமுறும் தம்பி
அன்பிற்கோர் மாமா மாமி
ஆசைக்கோர் அங்கிள் அன்ரி
அறிவு சொல்லும் தோழர்
ஆதரிக்கும் சுற்றம் இவர்கட்கு
அருமை பெருமையாக பிறந்தாய்
அன்பு பாசத்துடன் வளர்ந்தாய்
கருணை இரக்கம் உந்தன் பழக்கம்
கலக்கம் தயக்கம் இல்லை அது உன் வழக்கம்
சமூக மாற்றம் வேண்டி நிற்கும் ஒருவன்
வாழ்வு தனில் உந்தன் துணைவன்
வாழ்க்கை தனில் அவன் பணி தொடர வேண்டும்
அவர்களுள் நாமறிந்த இருவர்
மார்க்ஸ் / ஜென்னி (அப்பா / அம்மா)
அவர்கள் போல் நீயும் வாழ்வில்
வெற்றி கொள்ள வாழ்த்துகின்றேன்.


யாழ்ப்பாணம் இராணுவகோட்டைச் சிறையில் இருந்து சத்தியராஜன் 19-11-1986

தோழர் கே ஏ சுப்பிரமணியம் 1989 விடைபெறுகிறேன் K.A.Subramaniam Commemoration Volume

தோழர் கே ஏ சுப்பிரமணியம் 1989 விடைபெறுகிறேன்  K.A.Subramaniam Commemoration Volume
Please click on the photo to download the FULL VOLUME in PDF