Sunday, December 23, 2012

மக்களால் உயர்ந்த மாதரசி திருமதி. சோமசுந்தரம் - சற்குணம்

மக்களால் உயர்ந்த மாதரசி
      சோமசுந்தரம் - சற்குணம் 
          '''''''''''''''''''''''''''''''''''''''''''''''''''''''''''''''''''''''''''''''''
'சோம சுந்தரத்தின் வாழ்க்கைத் துணையான மாதரசி
தேவ என்று தொடங்குகிற நால்வரின் தாயரசி
தாமாக முன்வந்து சேவைசெய்த சிவலிங்க அக்காரசி
தாயாரே மகளாகிக் குடும்பத்தைப் பராமரித்த பொன்னரசி.

வழக்காடு மன்றமும் வைத்தியசாலை வளாகமும்
புழங்கும் மக்களுக்குச் சேவைசெய்யும் பண்பாடும்
பழக்கமான பல்கலைக் கழகமும் ஒளிவழியும்.......
அழகாக உன்வாரிசுகள் திறமையுடன் கால்பதித்தார்.

மூத்தவர் சட்டத்தரணி முற்போக்கிவர் உடன்பிறந்தோர்
மாற்றுக் குறையாத கல்விவளம் பெற்றதனால்......
சேற்றில் முளைத்த செந்தாமரைப் புகழுடனே
ஆற்றல் பலபடைத்து அன்னையை உயர்த்தினாரே.

சமுதாய அக்கறையும் சமூகத்தின் விழிப்புணர்வும்
கமுகம் பூப்போன்ற கனிவான புன்சிரிப்பும்
குமுதமாய் அல்லி,முல்லை,தாமரை சேர அமுதா(ய்)
முகம் மலரும்  சாதனாவுக்கும்  பூட்டியானார்.

-வள்ளியம்மை சுப்பிரமணியம்

திருமதி. சோமசுந்தரம் சற்குணம் (குணதங்கம்) அவர்கள் தேவராசா (சட்டத்தரணி), தேவராணி (கொழும்பு), தேவமலர் (தாதி உத்தியோகத்தர்), தேவகுமார் - கனடா ஆகியோரின் அன்புத் தாயாரும்;

மகாதேவர் (சிவலிங்கம்-கனடா), சிவபதமெய்திய பாலசிங்கம் ஆகியோரின் அன்புச் சகோதரியும்;

கலாலஷ்மி, சபாநாயகம், பரமசிவம், வள்ளிநாயகி ஆகியோரின் அன்பு மாமியாரும்;

ஜனமகன், திருமதி அபிஷா குமுதன், தீபவதனன், தீபமேனன், டார்வின், தனுஜன், வினோஜா, அனுஜன், மயூரன், மதுஷன், திவ்ஜா ஆகியோரின் அன்பு பேத்தியாரும்;

ரனிஷ்கா, தெஷாந்த், சாதனா, ஆகியோரின் அன்பு பாட்டியுமாவர்

Thursday, December 6, 2012

கே ஏ சுப்பிரமணியம் அவர்களின் 23 ஆவது நினைவுதினக்கூட்டம்

கடந்த சனிக்கிழமை 01.12.2012 அன்று தோழர் கே.ஏ. சுப்பிரமணியத்தின் 23வது நினைவு தினக்கூட்டம்  தேசிய கலை இலக்கியப பேரவையின் கைலாசபதி கேட்போர் கூடத்தில்பேராசிரியர்சி.சிவசேகரம் அவர்களின் தலைமையில்  நடைபெற்றது.


 தோழர் கே.ஏ சுப்பிமணியம் அவர்களின் 23 ஆவது நினைவுதினக்கூட்டத்தில் புதிய-ஜனநாயக மாக்சிச-லெனினிசக் கட்சியின் பொதுச் செயலாளர் தோழர் சி.கா. செந்திவேல் அவர்கள் உரையாற்றுவதையும், பேராசிரியர் சி.தில்லைநாதனும்,  முற்போக்கு போராளியான தோழர் க.தணிகாசலமும் ( தாயகம் ஆசிரியர் ) அமர்ந்து இருப்பதையும் காணலாம். 


தோழர் சிவ .இராஜேந்திரன், தோழர் கே.ஏ .சுப்பிரமணியத்தின் நினைவுகளை மூன்றாக வகைப்படுத்திப் பேசினார்.  தோழர் கே ஏ சுப்பிரமணியத்தின் மனைவி திருமதி வள்ளியம்மை சுப்பிரமணியமும் இக்கூட்டத்தில் கலந்துகொண்டார்

Wednesday, December 5, 2012

பேராதனைப் பல்கலைக்கழக தமிழ்ச் சங்கம் - 1991 /1992

பேராசிரியர் க. கைலாசபதி 9து நினைவு தினம் 05/12/1991

தலைமை பேராசிரியர் சி. தில்லைநாதன் 
நினைவுப்பேருரை சி.கா. செந்திவேல் அவர்கள்,


                       தேசிய கலை இலக்கியப் பேரவையின் சில வெளியீடுகள்




        பே.சு.மணி ஐயா அவர்கள் நிகழ்ச்சி



                  பேராசிரியர் க. கைலாசபதி 10து நினைவு தினம் 16/12/1992

                                 தலைமை பேராசிரியர் சி. தில்லைநாதன்

நினைவுப்பேருரை ந. இரவீந்திரன், 
 வெளியீட்டுரை சோ. தேவராஜா






தோழர் கே ஏ சுப்பிரமணியம் 1989 விடைபெறுகிறேன் K.A.Subramaniam Commemoration Volume

தோழர் கே ஏ சுப்பிரமணியம் 1989 விடைபெறுகிறேன்  K.A.Subramaniam Commemoration Volume
Please click on the photo to download the FULL VOLUME in PDF