Wednesday, October 5, 2011

யாருக்கு விருது?

  யாருக்கு விருது?
’’’’’’’’’’’’’’’’’’’’’’’’’’’’’’’’’’’’’’’’
காலுடைந்து போனபின்னும் சக்கர நாற்காலியில் சாதிக்க வேண்டுமென
நாலு கி.மீ  ஓட்டத்தில் முதலிடத்தில் வந்து களைத்தவர்க்கு -
 
நாலிரண்டு வருடங்கள் தோல்விமேல் தோல்விகண்டு நம்பிக்கையில்
காலூன்றி நின்ற தாய்க்கு இரட்டைக் குழந்தைகள் கிடைக்கவைத்த மருத்துவர்க்கு -
 
வாலறுந்த பட்டம்போல் வாழ்வில் குறிக்கோளற்ற ஊதாரி இளைஞனுக்கு
மேலும் மனிதனாக வாழலாமென்று வழிவகுத்த மஞ்சள்நாடா குழுவினர்க்கு -
 
சின்னஞ் சிறுவயதில் சிந்திக்கும் திறனை வளர்த்த பெற்றோரின்
சொன்னசொற் தவறாது வளர்ந்து தன்நாட்டிற்குப் பெருமைசேர்த்த மகளுக்கு -
 
விஞ்ஞான ஆராய்ச்சியினால் விண்வெளியில் தடம்பதித்து மீண்டு
அஞ்ஞானம் அகல அனைவர்க்கும் வழிகாட்டும் அணுவிஞ்ஞானிக்கு -
 
சும்மா கிடைத்தால் அதன்பெயர் விருது அல்ல; அதைக்கருதி
தம்மால் இயன்றவரை அடுத்தடுத்து முயன்றபின்னும் தோல்விவர
“அம்மா” எனப் பெருமூச்சில் அவன்கண்ணால் மழைபொழியத் துவளாமல்
நம்மால் முடியுமென்ற நம்பிக்கை நெருப்பாற்றில் எதிர்நீச்சல் போட்டவர்க்கே!
 
வள்ளியம்மை சுப்பிரமணியம்.

1 comment:

  1. விருது
    ‘’’’’’’’’’’’’’’’’’’
    விருது கிடைக்குமென்று கவிஞன் எழுதவில்லை - மனதில்
    வருகின்ற உணர்வுகளை வடிக்கின்றான் தாளதனில்
    அருமையான கருத்தென்று அறிஞர்கள் தீர்மானித்து - முடிவில்
    பெருமைப்பட வழங்குகின்றார் கவிஞனுக்கு விருதுகளை.

    அன்னையும் அப்படியே.......

    பத்துமாதம் சுமந்து பாலூட்டித் தாலாட்டிக் - குழந்தையை
    மெத்தனமாய் நோகாமல் மேன்மைபெற வளர்த்தெடுத்த
    அத்தாயின் சிரமத்திற் கிணையில்லை இவ்வுலகில் - அவளுக்கு
    எத்தனையோ விருதுகள் கொடுத்தாலும் ஈடாமோ?

    அப்படியான அன்னைதான்........

    ’கவிமாலை’ மொட்டாகி மங்கள மலராகி - இன்று
    புவிமீது நறுமணத்தை வீசிவரும் மாலையாகி
    விருதுகள் தேடிவர வியந்துதலை தூக்கிநிற்க - முகத்தில்
    அருமையன்னை இறுமாப்பும் அற்புதமும் காண்கின்றோம்.

    ReplyDelete

வணக்கம்! தங்கள் செய்திக்கு மிக்க நன்றி. அம்மா...வள்ளியம்மை சுப்பிரமணியம்

தோழர் கே ஏ சுப்பிரமணியம் 1989 விடைபெறுகிறேன் K.A.Subramaniam Commemoration Volume

தோழர் கே ஏ சுப்பிரமணியம் 1989 விடைபெறுகிறேன்  K.A.Subramaniam Commemoration Volume
Please click on the photo to download the FULL VOLUME in PDF