Wednesday, June 19, 2019

இயங்கவைத்த இனிய பூட்டக் குழந்தை சாரவ்...........

இயங்கவைத்த இனிய பூட்டக் குழந்தை சாரவ்..... ————————————————————

சின்னஞ் சிறு கண்மலர் , செம்பவள வாய்மலர் சிந்திடும் மலரே ஆராரோ..... வண்ணத் தமிழ்ச் சோலையே மாணிக்க. மாலையே ஆரிரோ ஆராரோ.....ஆரிரோ....ஆராரோ...
என்னை உன்னிடம் இழுத்த வல்லமையே ..... உன்னை என்மடியில் இருத்திய உறவுருவே...... அந்த நெருக்கத்தை என்னவென்று சொல்ல ? இந்த வாய்ப்பு யாருக்குக் கிடைக்கும் ?
தமிழ் நாட்டில் நான் இருந்த வேளையிலே..... அமிழ்தான அமெரிக்க நாட்டின் “ ரெக்சாஸ் “ மாநிலத்தில் நீ உதித்த செய்தி ஒன்று...... ஆகாய வழியாக ஐபாட் டில் வந்ததையா.......
பூட்டி’ ஆகி விட்டீர்கள்.....என்றவுடன் ....உற்சாகம் ஆட்கொள்ள ....சின்னப் பேத்தியின் திருமணத்துக்கு அவசரமாகப் புறப்பட்டு ஆறுபடை வீட்டிற்கு அனைவரும் சென்று கலந்து கொண்டோம்.
உன் பாட்டி சொன்ன அந்த சுபசெய்தியை...... என்வாயால் கேட்ட அனைவரும் வாழ்த்தினர் ... இந்தச் செல்வத்தை கட்டித் தழுவும் வாய்ப்பு எந்தனுக்குக் கிடைக்குமா’ என்றொரு ஏக்கம்......! ஏனென்றால் பல்லாயிரம் மைல்களுக்கு அப்பாலே...... நான் எங்கே......நீ எங்கே......நினைத்தால் நடக்குமா? நடந்தேறியது......ஆச்சரியமான ....செயலான சந்திப்பு. டிசம்பர் கிறிஸ்மஸ் தினத்தன்று நீ என்மடியில் வீற்றிருந்தாய்.....! உன்னைப்போல் உருவம் படைத்து என்வயிற்றில் பிறந்த என் சின்ன மகன் , உன் செல்லத்தாத்தா அத்தனை ஒழுங்கையும் அவரே செய்தாரே......யாருக்கு கிடைக்கும் இந்தப் பாக்கியம்? “ சுவர் இருக்கும் போதே சித்திரம் வரைய வேண்டும் “ என்றார்.


இயங்க வைத்த என் உறவே........ ——————————————— அமெரிக்காவுக்கு அழைத்தது மாத்திரமல்ல; என்கையால் அமுதூட்டும் வாய்ப்பு.....அதாவது அன்னப்பால் ஊட்டவைத்தாய். ஈசான மூலையில் அமைந்த உன்அறையில் வளர்பிறையில் பாசமுடன் தணிகையில் கிடைத்த வேலுடன் பலமானேன்.
மீனாட்சிஅம்பாளின் ஆதிமூலம் வரைசென்று வணங்கும் தானாக க் கிடைத்த தரிசனம் நினைக்க வியப்பய்யா..... ஆலய அறங்காவலர் வெளியே வந்து எம்மை இலகுவாக மூலவர் முதலாய் அத்தனை வாயில்கள் அவரே முன்நின்றார்.
கைக்குழந்தை , பெற்றார்,வீல்செயர்” பாட்டி என்று முன்னுரிமை அக்கறையாய் அவர்கள் செய்தது ....பூட்டன் , பூட்டியுடன் வணங்க வந்தனர் ‘ என்ற வாத்சல்யம் மேலிட்ட பாதுகாப்பு சுணக்கமின்றி அர்ச்சனை, பிரசாதம் அன்பளிப்பு தட்டுஒன்றும்.
உன்னால் எனக்குக் கிடைத்த அரும் பெரும் காட்சிகள் ஏராளம்..... என்னால் கனவிலும் நினைக்க முடியாத “ நாசாவின் “ விந்தைகள் கண்ணால் பார்க்கக் கிடைத்ததும், சந்திரக் கல்லைத் தொடவும்..... விண்வெளி விந்தைகளை வியக்க வைத்த விழுமியம் நீ....!
மகான்கள் பலர் மறைந்தும் மறையாமல் மாளிகையில் வீற்றிருக்கும் மகத்தான காட்சிகளை சுற்றிவந்து பார்க்க “ வீல் செயரை “ உந்தை பொறுப்புணர்வுடன் காட்டி வைத்தார். பழம் பெரும் “ சேர்ச்” அலும்எனி திறமான ‘ மெக்சிக்கன் ‘ உணவகம் , ‘ப ப்படா ‘ நியூஓலியன் உணவகம்.
சிறுவர் விளையாட்டு திடலில் நீ ....ஊஞ்சலில் அம்மா மடியில்..... பெறுமதியான கடற்கரை மணலில் உன் பாதங்கள் பதியவும்..... அலைஒன்று ஓடி வந்து ,கால் நனைத்து போனதுவும்...... நிலையாக என்மனதில் நீங்காத நினைவய்யா.....! உனக்குத் தாலாட்டுப் பாடல்கள் பாடவும், விரல் தொடவும் எனக்கு நீதந்த சந்தர்ப்பம் ஏராளம். ஆனாலும், உன்னைத் தூக்கவும் , தூங்க வைக்கவும் முடியாத துயரம் எனக்குண்டு.... “வாக்கிங் பிறாம் “ கண்டால் பின்னால் தவழ்ந்து வந்திடுவாய்.


என்னை இயங்க வைத்த இனிய பூட்டன். ————————————————— எத்தனை பாடல்களை நான் எழுதி வைத்தாலும் அத்தனை வரிகளும் உன்அன்னை வயிற்றில் - நீ எட்டி உதைத்த முட்டி மோதிய அசைவுகளின் முன் எட்டிப் பார்க்கவோ, ஏணி வைக்கவோ முடியாதையா....! தான் ஒரு தந்தை ஆகிவிட்டேன் என்ற பதவியைத் தந்து நான் இப்போ ‘அப்பா’ என தலை நிமிரும் ஆண்வர்க்கம் தாய்மைக்கு முன்னுரிமை கொடுப்பது குழந்தையாலே ...... சேயைக் காணும்போது செருக்கும் பெருகிடுமாம்....!
உன்னை பக்கத்து ஆசனத்தில் படுக்க வைத்தபின்னர் என்னைநீ பார்த்து உன் வலக்கை நீட்டிடுவாய் அதைப்பற்றிப் பிடித்து பக்குவமாய் வருடிவிட அசையாமல் நீ உறங்கும் அற்புதத்தை என்ன சொல்வேன்? வாகனத்துள் இருக்கும் சிங்காசனம் உனக்குரிய பொக்கிஷமாம் வேகமாய் போகையிலே விரைந்து வரும் தெரு மரங்கள் உன் பரிவாரங்கள் என்ற பெருமையிலே நீ மிடுக்காய் கண்ணயர்வாய்..... சரியாக கண்விழித்து அம்மாவைத் தேடிடுவாய்...... அம்மாவின் குரல் கேட்டவுடன் அருகில் வருமாறு கைஅசைப்பாய் சும்மாவா சொன்னார்கள் ? “ தாய் பிள்ளை உறவும் நெல்லுக்குள் பதரும் “ என்று அத்தனை ஐக்கியம், புரிந்துணர்வு, செயற்பாடு எல்லாமே..... மொத்தமாக ஐந்து மாதங்கள் உன்னை தொடக் கிடைத்த தய்யா....!
நடக்கவே சிரம ப்படும் என்னிடம் உன்னை இடைக்கிடையே உடனிருக்கத் தருவார்கள் அவர்களுக்கு நன்றிதான் சொல்லவேண்டும். நீ இருக்கும் இடம்தேடி என்னால் வருவதற்கு முடியாதென என் கையில் தருவார்கள், அந்த நிமிடங்கள் அற்புதந்தான். நீ தும்மும் போது வாழ்த்தாக “ நூறாண்டு “ சொல்லுகிற பேறு ஈ ‘ ஒன்று வெளியில் இருந்து உள்ளே வரும் போது , அது உன்னைத் அணுகவிடாமல் துரத்துவதில் விழிப்பாக இருக்கப் என்னை நுணுக்கமாய் பார்க்கப் பழக்கியவன் நீதானே. !


என்னை இயங்க வைத்த பூட்டனே. ——————————————- உன்னைப்போல் குழந்தைகள் ஏராளம் உலகினிலே.... என்னைப்போல் இயங்க முடியாத முதுமையிலும் நீ ஒருவன் தானய்யா நான் தொட்டு வருடவும் தொடைமேல் சாய்ந்து உட்காரவும் உரிமையும் உறவும் கொண்டவனே..... பாட்டெழுத பாட்டெழுத பக்கம் பல போகுதய்யா..... மீட்டிவிட நானென்ன வீணை வாசிக்கும் வித்தகியா...? முதலாம் பிறந்த நாள் சீக்கிரமாய் வருவதனால்.... பதவியில் பூட்டனாகி பாட்டெழுத வைத்து விட்டாய்...... பிறந்தநாள் விழாவுக்கு தந்தைவழி உறவுகளும்.... மறவாது தாய்வழி உறவுகளும் வாழ்த்துரைகள் வழங்கையிலே.... சிங்கையில் இருந்து கொண்டு சீராட்ட ஆவல் கொண்டு பொங்கும் ஆவலுடன் பூட்டி இவள் பாட்டில் வடிக்கிறாளே....! உன்னுடன் தங்கிநானிருந்த ஒவ்வொரு நாளும் சரித்திரம் தான். அன்னையின் இடுப்பு நொந்ததனால் செல்லத் தாத்தா அனுப்பிவைத்தார் சீரான “ சிசு தாங்கி “ பூட்டியின் நடக்கும் பிறாம் உனக்குப் பிடிக்குமென்று.... பேரனுக்கு வெகுமதியாய் விண்ணுக்கு விமானப் பரிசுகளும்.....
அப்பாவின் நண்பர்கள், சந்தோஷ், ய்யூன் குடும்பங்களும், ( santhoosh, June , family) தாத்தா வழி குலேந்திமாமா, பாட்டி வழி கிருபாமாமா, ஹரி என்ற எத்தனையோ அன்புள்ளோர் ஓடோடிவந்தனரே..... அத்தனையும் நீ பிறந்த பின்னரே உற்சாகச் சந்திப்புக்கள்.....
கைக்குழந்தை ஒன்று இங்கே அன்புக்காக ஏங்கும் நேரத்திலே ஓடிவந்த 
மெய்யன்பு கொண்ட நல்லமாமா 
விமானம் ஏறி வந்தாரென்றால் அதற்கு விலையுண்டோ.....?
கையிலே உன்னை ஏந்தவும், செய்யும் செயல்யாவும் தாத்தா, பாட்டி, அப்பா,அம்மா வுக்கு
சைகையால் கூறி, சத்தம் வராமல் மெத்தனமாய் செய்தாரே உனக்காகத் தானே.....!

மாமா,மாமி, உறவுடன், தாத்தா,பாட்டி பறந்து உங்கள்...அருகே ஆகா...! எங்கள்
‘சாரவ் பெயருடன் சந்ததி சிறக்க வந்த செல்வமே’ என்று வாரி எடுத்து அணைத்து
பாராயோ...’எங்கள் பாசமான குழந்தை ‘ என்று ஜனாஅன்ரி, கதிர் அண்ணா, தாரா அக்கா
யாருக்காக வந்தார்கள் ? பச்சைக் குழந்தையை பரிவுடன் தொடுகின்ற படங்கள் பாசமலர்!


உற்றார், உறவினர் , நட்பு வட்டம் வாழ்த்துகையில்.... பற்றோடு வந்திருக்கும் தாய்மாமன் ,மாமி யுடன் பெற்றாருடன், தாத்தா பாட்டி பேணி உன்னை வாழ்த்துகையில்.... சுற்றத்துப் பூட்டியின் சுயமான வாழ்த்து இதுவாம்.....! நீடூழி வாழ்க......சுப ம் ! சுபம் ! சுபம் !
எழுதியவர்:.............வள்ளியம்மை சுப்பிரமணியம். .சிங்கப்பூர் சிங்கப்பூர்

Monday, December 18, 2017

தோழர் மூ. கணபதிப்பிள்ளை அவர்களுக்கு எமது செவ்வஞ்சலிகள்

அண்மையில் காலமாகிய மூத்த பொதுவுடமைவாதி தோழர் மூ. கணபதிப்பிள்ளை அவர்களுக்கு எமது செவ்வஞ்சலிகள்



Sunday, December 10, 2017

யாழ்ப்பாணத்தில் இடம்பெற்ற தோழர் கே.ஏ.சுப்பிரமணியம் அவர்களுடைய 28 ஆவது ஆண்டு நினைவுக் கூட்டம்

யாழ்ப்பாணத்தில் இடம்பெற்ற தோழர் கே.ஏ.சுப்பிரமணியம் அவர்களுடைய 28 ஆவது ஆண்டு நினைவுக் கூட்டம்



 










Wednesday, December 6, 2017

பொதுவுடமை இயக்கத்தின் புரட்சிகர முன்னோடி தோழர் கே.ஏ சுப்பிரமணியத்தின் 28வது நினைவுக் கூட்டம்

பொதுவுடமை இயக்கத்தின் புரட்சிகர முன்னோடி தோழர் கே.ஏ சுப்பிரமணியத்தின் 28வது நினைவுக் கூட்டம் யாழ்ப்பாணத்தில் தேசிய கலை இலக்கியப் பேரவை கவிஞர் முருகையன் கேட்போர் கூடத்தில்  
10.12.2017 ஞாயிற்றுக்கிழமை 
பி.ப. 03.30 மணிக்கு நடைபெறும். 

Comrade K.A. Subramaniam: 28th Anniversary Event

10.12.2017 Sunday at 03.30 pm
Venue:
National Arts Council of Literary's
Poet Murugaiyan Auditorium 
(62, KKS Road, Kokuvil Junction, Jaffna)


Saturday, November 18, 2017

Comrade E.T. Moorthy தோழர் திருஞானமூர்த்தி

தோழர் திருஞானமூர்த்தி எம்மை விட்டுப் பிரிந்தார். E T மூர்த்தி என எல்லோராலும் அழைக்கப்பட்டவர். 
காரைநகர் என்ற கிராமத்தை யாரும் மறக்க முடியாது. திண்ணைக்களி சிவன்கோவிலும், 'கசோரினா' பீச்சும் வடமாகாணத்தின் புகழை நிலைநாட்டி நிற்பது போல் ,நடுத்தெரு சம்பந்தர் கண்டி ' நாகலிங்கம் என்பவர் சிங்கப்பூர், மலேசியா நாடுகளில் வேலை பார்த்து நாடு திரும்பியவர். அவரது சகோதரியின் மகன் சிங்கப்பூரிலிருந்து வந்து தாய்மாமன் வீட்டில்
தங்கியிருந்தார். அவரைத் 'திருஞானம்' என்றுதான் அழைப்போம். கம்யூனிச சித்தார்த்ததினால் இழுக்கப்பட்டு தோழர் மணியத்துடன் நெருங்கிப் பழகினார் 
அவர், நவாலி மானிப்பாயைப் பிறப்பிடமாகவும், கொழும்பை வசிப்பிடமாகவும் கொண்ட திரு. சண்முகநாதன் அவர்களின் மூத்த மகள் வசந்தியைத் திருமணம் செய்து கொள்ள விரும்பினார்.
வசந்தியின் அம்மாவுக்கு , திரு.மூர்த்தி அவர்களின் படிப்பு, ஒழுக்கம், பழக்க வழக்ககள் யாவும் பிடித்திருந்தும், ஆலய வழிபாடு, இல்லாத தால் அது ஒரு மனத்தாக்கமாவேயிருந்தது.அதற்காக, திருஞானம் அவர்கள் தோழர் மணியம் அவர்களிடம் தான் வந்து தனது
லட்சியத்தையும், வசந்தியோடுள்ள காதலைப்பற்றியும் மணிக்கணக்கில் பேசுவார்.
இதனால், தோழர் மணியம் வாரத்தில் 2நாட்களுக்காவது , தனதுசொந்த வேலைகளை ஒதுக்கி நவாலிக்குப்போய் வசந்தியின் அம்மாவுடன் கலந்து கதைத்து " மெல்லெனப் பாயுந்தண்ணீர் கல்லையும் உருகப் பாயும்" என்ற முதுமொழிக்கமைய....18 மாதங்களின் பிறகு சம்மதம் தெரிவித்தனர். மூர்த்தி தனது பிடிவாதங்களைக் குறைத்து
கொண்டதனால், நவாலி வீட்டில் சகல சிறப்புக்களுடனும் திருமணம் நிறைவேறியது. எனக்கு மாத்திரம் தான் தெரியும் ' வசந்தி அவர்மேல் வைத்திருந்த காதலின் பெறுமானம் எவ்வளவு ஆழமானது' என்று. ( இப்படி காதலுக்கு உதவிய பல கதைகள் உண்டு செ.யோகநாதன், சின்னத்தம்பி, தேவராஜா... என பட்டியல் நீளும்.)
புதுமணத் தம்பதிகள் முதல் முதலாக எமது வீட்டிற்கு வந்த பின் தான உறவினர் வீடுகளுக்கு சென்றார்களாம். வீட்டில் ஆங்கிலத்திலேயே பேசிக்கொள்வார்கள்.பின் கட்சி பிளவுகள், கொள்கை முரண்பாடுகள்,என பிரிந்து நின்ற போதிலும் மாறாத அன்புடன் பழகினோம். அன்பு மறவாத வசந்தி ,அப்பா 1989ல் நோய்வாய்ப்பட்டு வெள்ளவத்தை இராமகிருஷ்ண மிசனில் தங்கியிருந்த காலத்தில் தானே உணவு தயாரித்து அனுப்புவார்.அவர்களும் மிகச் சிரமத்துடன் வாழ்ந்த காலம். பிற்காலத்தில் புலி அரசியலும், தமிழ்தேசியமும் அவரையும் விட்டு வைக்கவில்லை. 
எங்கள் இரு குடும்பங்களின் உறவும், அன்பும் இன்றுவரை ...பேரப்பிள்ளைகள் பாசப்பிணைப்பாக இருக்கிறது. 
நினைவுகளும் , அன்பும் தொடரும்.........

Friday, June 2, 2017

எனது சின்னப் பேத்தி சிறீரா , விவேக்கின் திருமண நிச்சயதார்த்தத்தின் போது…22 May 2017

-------
வாழ்த்துக்கள்.
--------------
திருநிறை .இராஜசேகர், திருமதி .வள்ளி தம்பதிகளின் ஏகபுத்திரனாகிய
Dr.விவேக் அவர்களும்,
திருநிறை. சத்தியகீர்த்தி, திருமதி. சுசித்ரா தம்பதிகளின் மூத்த மகளான
Dr. ஶ்ரீரஞ்சினி அவர்களும்,
விவாகம் செய்து கொள்ளும் பொருட்டு - முன்னோடியாக விவாகப்பதிவு
நிகழ்ச்சிக்கு உற்றார்,உறவினர்கள்,நண்பர்கள்
அனைவரும் ஒன்றுகூடியிருக்கும் இவ்வேளையில், அந்த இணையர்களை
அவர்களின் பாட்டியுடன், உடனிருந்து வளர்த்தவருமாகிய
திருமதி. வள்ளியம்மை சுப்பிரமணியம் அவர்கள், வாழ்த்திப் பாடிக்கொடுத்த
வாழ்த்துப் பாக்கள்.
-------------------
சிங்கப்பூர் என்ற சீரோங்கும் நாட்டினிலே
மங்காப் புகழுடைய 'இராஜ சேகர்' என்பவரும்,
தங்கம் நிகரான ' வள்ளி' என்ற தாய்க்குலமும்
பொங்கும் வைத்திய நிபுணரெனப் பெயரெடுக்க
ஒரேயொரு செல்வமகன் சிந்தையால், செயலால்....
மலர்போன்ற சிரித்த முகம், மாண்பு கொண்ட பண்பாளன்
பெரியோர்கள் மதிக்கும் பெருங்குணமுங் கொண்டவனாய்....
வைத்திய கலாநிதி ' விவேக்' என்ற வித்தகனும்.....
அவுஸ்ரேலியா நாட்டில் அமைதியாய் வாழ்கின்ற
' சத்திய கீர்த்தி' என்ற சகலரையும் பேணுகின்ற
உத்தமனும், 'சுசித்ரா' என்ற சகலகலா மேதையும்.....
முதல்குழந்தையாகப் பெற்றுப் பேணிவளர்த்து வைத்த
கல்வியில் கலைமகளாய்,வீணைஇசை மீட்டலிலும்
முன்னணியில் மிளிரும்'ஶ்ரீ ரஞ்சனி' என்ற மகள்
கண்ணுக்குக் கண்ணாக வைத்திய துறையை
எண்ணியபடியே கற்று முடித்த கவின்பெறு செல்வியும்....
இருவரும் இணையும் இந்நாள் ! ஒரு பொன்நாள்!!
பூவும் மணமும் போல,வானமும் நிலவும் போல....
நீவிர் இருவரும் பல்வேறு சிறப்புக்கள் பெற்று
'நீடூழி வாழ்க' வென சபையோர் சார்பாக...
நாமும் வாழ்த்துகின்றோம்!
சமர்ப்பணம்.
....................
பாரத தேசமும், பக்கத்து இலங்கையும்
பாரம்பரியமாக தமிழ்மொழியை நேசிக்கும்
இருபெரிய குடும்பங்கள் ஒன்றாய் இணைகின்ற
பெருமையே பெருமை! பேணுதற் குரியது!!
நன்றி......வணக்கம்.
22-05-2017. அன்புடன்.....பாட்டி,
வள்ளியம்மை சுப்பிரமணியம்."சத்தியமனை".

Tuesday, November 22, 2016

பொதுவுடமை இயக்கத்தின் புரட்சிகர முன்னோடி தோழர் கே.ஏ சுப்பிரமணியத்தின் 27 வது நினைவுக் கூட்டம்

பொதுவுடமை இயக்கத்தின் புரட்சிகர முன்னோடி தோழர் கே.ஏ சுப்பிரமணியத்தின் 27வது நினைவுக் கூட்டம் யாழ்ப்பாணத்தில் தேசிய கலை இலக்கியப் பேரவை கவிஞர் முருகையன் கேட்போர் கூடத்தில்  
27.11.2016 ஞாயிற்றுக்கிழமை 
பி.ப. 03.30 மணிக்கு நடைபெறும். 

Comrade K.A. Subramaniam: 27th Anniversary Event

27.11.2016 Sunday at 03.30 pm
Venue:
National Arts Council of Literary's
Poet Murugaiyan Auditorium 
(62, KKS Road, Kokuvil Junction, Jaffna)

Thursday, January 28, 2016

கே.ஏ.சுப்பிரமணியம் பல தடவைகள் பார்த்த, 1953ம் ஆண்டு வெளியாகிய "அவன்" என்ற படத்தின் பாடல்கள்

1953ம் ஆண்டு வெளியாகிய "அவன்" என்ற பெயரில் தமிழ் மொழிக்கு இந்தி மொழியிலிருந்து (ahh) எடுக்கப்பட்ட அற்புதமான ஒரு படம்.
இந்த அருமையான,எந்த விரசமுமற்ற புனிதமான காதலை
இரண்டு இளம் உள்ளங்கள் எப்படித் தங்களுக்குள் பரிமாறிக் கொள்ளுகிறரார்கள் என்பதனை படத்தின்
பாடல்கள் மூலம் கேட்டு உணர்ந்து கொள்ள முடியும்.
பாடல்களை கம்ப தாசன் எழுதியிருக்கிறார்.
50,60,70ம் ஆண்டுகளில் எங்கள் இலங்கை வானொலியில்
ஒலித்துக் கொண்டிருந்த 'அவன்' படப்பாடல்கள் பிறகு
கேட்க முடியாமலே போய்விட்டது. பழைய படங்களை
வெளியிடும் இந்தியத் தொலைக்காட்சிகள் கூட இதனைச்
செய்யத் தவறி விட்டன.
எனது 77 வயதுக்குப் பிறகு ....இளமையில்
பார்க்க முடியாத இந்தப்படத்தை இனிமேல் பார்க்கவே
முடியாத என்ற தாகம் என்னுள்ளே மறைந்து கிடந்தது.
எனது மகளுடன் கடந்த இரவு கலந்துரையாடினேன்.
என்ன அற்புதம்! .......மலேசியாவில்
வாழுகிற ஒருவரிடமிருந்து பெற்றுக் காட்டினார்.அதனைக்
காணொளிக்கு ஏற்றி வைத்த அந்த நண்பருக்கு நன்றி.
சென்ற ஆண்டு கூட எனது மகள்
பலவழிகளில் மடிகணனி மூலம் முயற்சி செய்தும்
கிடைக்காத 'அவன் ' பட தமிழ்ப்படப் பாடல்களும்
இந்திப் படமும் பார்கக்கிடைத்தது மறைந்த எனது
கணவன் கே.ஏ.சுப்பிரமணியம் அவர்கள் , இந்தப் படத்தை தான் 10 தடவைகள் திரும்பத் திரும்ப பார்த்தது "படத்தின் பாடல்கள் தான்"
அத்தனை அர்த்தம் பொதிந்தவையாக அமைந்திருந்தன'
என கூறியதுடன் அப் பாடல்களை தன் இனிமையான குரலினால் திரும்பத்திரும்ப ்்் திரும்ப பாடி ,என்னையும் சேர்ந்து பாடவைத்தார். என்னை அந்தப் படத்தைப் பார்க்குமாறும் கேட்டுக்கொண்டார். எங்கள் காதல் வாழ்க்கையில் இப்பாடல்கள் பெரிதும் இடம்பிடித்தன. (சித்தார்த்தமும், போராட்டமுமாக வாழ்ந்த கம்யூனிஸ்ட் ,தன் சுற்று சூழல், சொந்தங்கள் ,பணம், பொருள் எல்லாம் துறந்து ஆறடி அவ்வழகன் ... நாலடியும் இல்லாத தென்னோலை செத்தைக் குடிசைக்குள் ஒளிந்திருந்து பார்க்கும் இந்தக் குண்டு - வேறு சமூகப் பெண்ணை , அடம்பிடித்து "அரிவாள் சம்மட்டியை " தாலியாக்க் கட்டி மரணம் வரை தன் கொள்கையிலிருந்து மாறாது விடை பெற்றார்.)

ஒவ்வொரு மனிதரும் எவ்வளவு சுதந்திரமாக வாழவேண்டுமென
தனது வாழ்வை, இளமையின் வசந்தத்தை பொதுவுடமைத்
த்த்துவத்திற்கு அர்ப்பணித்தாரோ, அது போல் காதலை,
கலப்புத்திருமணத்தை அதன் அப்பளுக்கற்ற புனித த்தைச்
மதித்தார். சினிமாவில் வந்தாலும் பாராட்டத் தவற மாட்டார்....... அவருடன் நெருங்கிய தோழர்கள் அனைவரும் அவரின் குரலுக்கு ரசிகர்களே! வி ஏ, வி பி, கார்த்திகேசன், நீர்வை, ஜீவா, டானியல், மான், பின்னர் செந்தில்,இரவி, தேவர்,சந்திரன் என......
கடந்த இரவு 27-01-2016 இரவு தூங்கும் போது நேரம்
2-00 மணியாகி விட்டது. அவருடைய தூய்மையான
அன்பைச் சேவையை , வியந்த படியே தூங்க முடிந்தது
மீண்டும் எனது மகளுக்கும் உலகில்
வாழுகிற சகல மக்களுக்கும்.....அவரே பாடுகிற
இனிய ஓசை காதில் இப்போதும் கேட்கிறதல்லவா?
ஏ-எம்- ராஜாவும், ஜாக்கியும் தமது பாடல்களால்
இன்றும் வாழ்கிறார்கள்......நன்றி. வள்ளியம்மை சுப்பிரமணியம்

Saturday, December 19, 2015

தோழர் கே.ஏ.சுப்பிரமணியத்தின் 26 ம் ‌ஆண்டு நினைவு யாழ்ப்பாணத்தில்.........




பொதுவுடமை இயக்கத்தின் புரட்சிகர முன்னோடி தோழர் கே.ஏ சுப்பிரமணியத்தின் 26 வது நினைவுக் கூட்டம் யாழ்ப்பாணத்தில் தேசிய கலை இலக்கியப் பேரவை கவிஞர் முருகையன் கேட்போர் கூடத்தில் நடைபெற்ற போது தோழர் க. தணிகாசலம் தலைமையுரை ஆற்றுவதையும் கிழக்கு லண்டன் பல்கலைக் கழக சமூகவியல் மானிடவியல் ஆய்வாளர் பரஞ்சோதி தங்கேஸ் அவர்கள் “முரண்பாடு புலப்பெயர்வு சாதி உருமாற்றம்”என்ற தலைப்பில் நினைவுச்சொற்பொழிவு ஆற்றுவதையும் நிகழ்வில் கருத்துரைப்போரையும் பார்வையாளர்களையும் படங்களில் காணலாம்.

















Saturday, December 5, 2015

தோழர் கே.ஏ.சுப்பிரமணியத்தின் 26 ம் ‌ஆண்டு நினைவு நிகழ்வில்.........

தோழர் கே.ஏ.சுப்பிரமணியத்தின் 26 ம் ‌ஆண்டு நினைவு நிகழ்வில் (2015.11.29)
“இனப்பிரச்சினைக்கான தீர்வில் இணக்க அரசியலும் எதிர்ப்பு அரசியலும்.” என்ற தலைப்பில் நினைவு சொற்பொழிவினை ஆற்றிய போது..


தோழர் கே ஏ சுப்பிரமணியம் 1989 விடைபெறுகிறேன் K.A.Subramaniam Commemoration Volume

தோழர் கே ஏ சுப்பிரமணியம் 1989 விடைபெறுகிறேன்  K.A.Subramaniam Commemoration Volume
Please click on the photo to download the FULL VOLUME in PDF