The Editorial for Art and Literary., April 1983, 'Thayagam' தாயகத்தின் ஆசிரிய தலையங்கம் 1983 சித்திரை

 1 சித்திரை 1983

தாயகம் மீண்டும் வருகிறது

The Editorial for Art and Literary., April 1983, 'Thayagam' 
தாயகத்தின்  ஆசிரிய தலையங்கம் 1983 சித்திரை
புதிய ஜனநாயகம்!
புதிய வாழ்வு!
புதிய நாகரிகம்! 


ஒன்பது ஆண்டுகளுக்கு முன் 1974 சித்திரையில் உதயமான தாயகம் திரும்பவும் மிளிர்வது மகிழ்ச்சியைத் தரும்.

தாயகம் உதயமான காலகட்டத்தில் இருந்தவற்றினின்று இன்றுள்ள தேசிய சர்வதேசிய நிலைமைகள் பெரிதும் வேறுபட்டுள்ளன.

இந்த இடைக்காலத்தில் தாயகம் பல நெருக்கடிகளையும் அனுபவங்களையும் கண்டுள்ளதுடன் அரசியல், பொருளாதார, சமூக கலாச்சார மாற்றங்களையும் கவனத்தில் கொண்டுள்ளது.

ஆயினும், துயரத்தின் ரேகைகள் அதன் முகத்தில் இல்லை. தனது அனுபவங்களைத் தொகுத்து, ஆய்ந்து, தவறுகளைத் திருத்தி சரியானவற்றை மேலும் முன்னெடுக்கும் முக மலர்ச்சியையே அதனிடம் காணலாம்.

இன்று எமது நாடு, பாரிய பொருளாதார நெருக்கடி, மோசமான வாழ்க்கைச்சுமை, தேசிய இனங்களுக்கிடையே பகைமை, இளைஞர் - மாணவர்களிடையே அமைதியின்மை, உழைக்கும் மக்கள் தாம் போராடிப் பெற்ற ஜனநாயக தொழிற்சங்க உரிமைகள் படிப்படியாகப் பறித்து எடுக்கப்பட்டமை, கலாச்சாரச் சீர்குலைவு, அந்நிய கலாச்சார ஊடுருவல்கள் போன்றவற்றைக் காண்கிறது.

மொத்தத்தில் மனித உரிமைகள் பறிக்கப்பட்டு வாக்குச் சுதந்திரம், பேச்சு எழுத்துச் சுதந்திரம், நீதிச்சுதந்திரம் இவையெல்லாம் புறக்கணிப்புக்கும் பயமுறுத்தலுக்கும் உள்ளாக்கப்படுவதுடன் அரச பயங்கரவாதத்துடன் கூடிய தனி நபர் சர்வாதிகார முனைப்பின் கீழ் அரசு செயல்படுவதை அவதானிக்கிறது.

இதற்கெதிராக நாட்டுமக்கள் அனைவரும் பல முனைகளிலும் குரல் கொடுக்க வேண்டிய அவசியத்தை தாயகம் உணர்கிறது.

அவர்களை ஒன்றுபடச் செய்வதும் கிளந்தெழச் செய்வதும் ஜனநாயக சக்திகளையும் இயக்கங்களையும் பொது எதிரிக்கு எதிராக ஒன்றிணைப்பதும் முன்னெடுப்பதும் அதற்காகச் செயல்படுவதும் தாயகத்தின் இன்றைய கடமையாகிறது.

அதையே தாயகம் துணிவோடு முன்னெடுக்கத் திடசங்கற்பம் பூண்டிருக்கிறது.
மேற்கூறிய கடமைகளை முன்னெடுப்பதில் எழுத்தாளர்கள், கலைஞர்கள், இலக்கிய ஆர்வலர்களின் பங்கையும் நாம் குறைத்து மதிப்பிடமுடியாது. இதனை மனதிற் கொண்டே லூசூன், பாரதி நூற்றாண்டுகளை கடந்த ஆண்டுகளில் நினைவுகூர்ந்தோம்.

நூற்றாண்டு விழாக்கள் வெறும் ஆண்டு இறுதிச்சடங்குகளல்ல. தாம் வாழ்ந்த காலத்தின் சமூக, அரசியல், பொருளாதார, கலாச்சாரத் தாக்கங்களுக்கு எதிர்நின்று, தாம் சார்ந்திருக்கும் வர்க்கத்தின் கடமைகளை நிறைவேற்றும் தமது வாழ்க்கைப் போராட்ட அனுபவங்களை - தத்தமது ஆளுமைகளுக்கேற்ப தந்து சென்றவர்களின் பல்வேறு அறிவியற் கருத்துக்களையும், கலை, இலக்கியப் படைப்புக்களையுமே நாம் இங்கு நினைவுகூருகிறோம். இத்தகைய அநுபவங்களை தொகுத்துச் செழுமைப் படுத்துவதன் மூலமே மனித குல வரலாறு வளர்ச்சியடைந்து வந்தருக்கிறது. 

கலை இலக்கியத்தின் கடந்த காலமே வெறும் இருட்டுத் தான் நாங்கள் மட்டுமே பகலில் நிற்கிறோம் என்ற இலக்கிய மமதையுடன் ஆய்வுரை என்ற பெயரில் காலத்தால் சூழலால் ஏற்படும் பலயினமான அம்சங்களை மட்டுமே தூக்கி நிறுத்தி நிராகரிப்பதல்ல எமது நோக்கம். அந்த இருண்ட காலங்களிற் கூட எத்துணை பலத்துடன் எழுந்து நின்று மனிதகுலத்தின் முன்னேற்றத்திற்காக குரல் கொடுத்தார்கள் என்பதை உணரும்போதுதான் பட்டப்பகலிலேகூட ஏற்பட்டுவிடும் குருட்டுத் தனங்களையும் குணப்படுத்தமுடியும். 

கடந்த ஆண்டு மாதந்தோறும் நடைபெற்ற பாரதி நூற்றாண்டு ஆய்வரங்கை நினைவுகூரும்போது மறைந்த பேராசிரியர் கைலாசபதி அவர்களின் நினைவால் எமது நெஞ்சங்கள் கனப்பதை நாம் உணர்கிறோம். அந்த அளவிற்கு ஆய்வரங்கு பயனுற அமைவதற்கு மட்டுமல்ல, மேன்மேலும் பல புதிய பங்களிப்புக்களைச் செய்வதற்கு தன்னைத் தயார்படுத்திக் கொண்டிருந்த பல்வகை ஆற்றல்கள் கைவரப்பெற்ற, செயலூக்கமுள்ள, மனித நேயம் கொண்ட ஒரு தமிழறிஞரை, இலக்கியவாதியை இழந்தமை மாதங்கள் பல கடந்தபின்னும் எமது மனதை உறுத்துவதை நாம் உணர்கிறோம். அவரது “ பாரதியும் மறுமலர்ச்சிக் கோட்பாடும் - ஒரு மறுமதிப்பீடு' என்ற ஆய்வுரை கூட கட்டுரை வடிவில் முழுமைபெறாதது எமது துர்ப்பாக்கியமே

பாரதி ஆய்வுகள் நூலுருப் பெறுவதை அவர் விரும்பினார்; ஆய்வாளர்களை உற்சாகப்படுத்தினார்; அதற்காக எம்முடன் ஒன்றுபட்டு உழைத்தார். தாயகத்தின் வருகையோடு அவரது விருப்பை ஓரளவிற்காவது நிறைவேற்றி வைப்பதில் நாம் ஆறுதல் அடைகிறோம்.

தாயகம் உங்கள்முன் விரிந்து கிடக்கிறது. அதன் உயர்ச்சியும், வளர்ச்சியும் விழிப்புணர்வு பெற்ற தேசபக்த சக்திகளிலும், பரந்துபட்ட வெகுஜனங்களின பலத்திலும் பங்களிப்பிலுமே தங்கி நிற்கிறது.

உங்கள் தாயகம் தலைநிமிர உங்களது அயராத உழைப்பினை ஒத்துழைப்பினை தொடர்ந்தும் நல்குவீர்.

தாயகம் ஆசிரியர் குழு சார்பில் கே.ஏ. சுப்பிரமணியம் 01 சித்திரை 1983

05-04-1933 பேராசிரியர் கைலாசபதி அவர்கள் 06-12-1982 Professor K . Kailasapathy

 05-04-1933 பேராசிரியர் கைலாசபதி அவர்கள் 06-12-1982

எங்கள் தோழர்களுடனும், கட்சியுடனும் ,எம் குடும்பத்துடனும் மிக நெருக்கமாக வாழ்ந்த அறிஞர், தோழர், சகோதரன் என சொல்லாம்.

நீண்டகாலமாக தோழர் மணியம் , கைலாஸ் உறவு வளர்ந்திருத்தாலும், பாரதி பன்முகப்பார்வை என்ற தலைப்பில் யாழ் றிம்மர் மண்டபத்தில் கலந்துரையாடல்கள் இடம் பெற்றன. அச்சந்தர்பத்தில் தான் நான் அவருடன் பேசிப் பழகும் சந்தர்ப்பம் அமைந்தது. (பின்னர் அது 1984இல் நூலுருப் பெற்றது)

அவர் உடல் நலமற்று கொழும்பில் இருந்த போது பல தடவைகள் சென்று பார்த்து வந்தார். ஒருதடவை மகள் பபியையும் அழைத்துச் சென்றார். அவரது இறுதி நிகழ்வுகளில் கட்சியினதும், தோழர்களினதும் முன்னெடுப்பை திருமதி சர்வம் கைலாசின் வேண்டுகோளின் படி முன்னின்று ஒத்துழைத்தனர்.

அவரின் மறைவின் பின்பும், அவர் குடும்பத்துடனான ஊடாட்டம் தொடர்ந்தது. அவர்கள் குழந்தைகள் தோழர் மணியத்தின் மீது வைத்த அன்பிற்கும், மரியாதைக்கும் பேராசிரியர் கைலாசபதியே காரணம். தோழர் மணியம் விடைபெற்ற மலரில் அவரத துணைவியார் எழுதிய வரிகள் இன்றும் நினைவு மீட்டலுக்கு உரியது.

“கே. ஏ. சுப்பிரமணியம் அவர்களை எங்களுக்கு அறிமுகம் செய்து வைத்தார்; முதன் முறையே அவருடைய எளிமையான தோற்றமும், இனிய சுபாவமும் எங்கள் எல்லோரையும் கவர்ந்தது. அவர் அப்பொழுது வெறுங்காலுடன் வந்திருந்தார். "மாமா வெறுங்காலுடன் இந்த வெய்யிலில் வந்திருக்கின்றார்” என்று எமது பிள்ளைகள் அங்கலாய்த்தனர்.

அவர்களுடைய அன்பு நச்சரிப்பால் அவர் பின்னர் செருப்புப் போட்டு வருவார். அவருடைய எளிமைக்கு இது ஒரு சிறு எடுத்துக்காட்டு. கைலாசபதியும் திரு. சுப்பிரமணியமும் இரண்டு வயது வித்தியாசமுடைய சமகால அரசியல் தோழர்களாயிருந்தனர். இருவரும் தேசிய சர்வதேசிய அரசியல் விவகாரங்களில் இறுதிக் காலம் வரை ஒத்தகருத்தைக் கொண்டவர்களாகவே இருந்து வந்திருக்கின்றனர். அந்த வகையில் ஒருவரை ஒருவர் புரிந்து கொண்டும் பரஸ்பரம் மதித்தும் வந்துள்ளதைக் காணக் கூடியதாக இருந்தது.”

இலங்கை நாட்டிற்கு மட்டுமல்ல அறிவு தேடும் அனைவரும் இவரின் பங்களிப்புகளையும் உள்வாங்கியே கடந்து செல்வர் . அந்த வகையில் எங்கள்

Raveendran Nadesan

அவர்களின் இவ்வளவு வளர்ச்சிக்கும் பேராசிரியரின் ஊக்குவிப்பு உரமாக அமைந்தது.

என்றும் அவரின் நினைவுகள் நிலைபெறும்!

“இருளை நீக்கி ஒளியினைக் காட்டுவாய்,

இறப்பை நீக்கி,அமிர்தத்தை ஊட்டுவாய்"

அருளும் இந்த மறையொலி வந்திங்கே

ஆழ்ந்த தூக்கத்தில் வீழ்ந்திருப் பீர்தமைத்

தெருளு றுத்தவும் நீர்எழு கில்லிரோ?

தீய நாச உறக்கத்தில் வீழ்ந்தனீர்

மருளை நீக்கி அறிதிர் அறிதிரோ?

வான்ஒ ளிக்கு மகாஅர்இ யாம்என்றே”

அவரது நூல்கள்:

• பண்டைத்தமிழர் வாழ்வும் வழிபாடும்,1966
• தமிழ் நாவல் இலக்கியம்,1968
• Tamil Heroic Poetry,Oxford,1968
• ஒப்பியல் இலக்கியம்,1969
• அடியும் முடியும்,1970
• ஈழத்துத் தற்காலத் தமிழ்நூற்காட்சி(கமாலுதினுடன்)1971
• இலக்கியமும் திறனாய்வும்,1976
• கவிதை நயம்(இ.முருகையனுடன்),1976
• சமூகவியலும் இலக்கியமும்,1979
• மக்கள் சீனம்-காட்சியும் கருத்தும்(சர்வமங்களத்துடன் இணைந்து),1979
• The Tamil Purist Movement - A Re-Evalution,Social Scientist,Vol:7:10,Trivandrum
• நவீன இலக்கியத்தின் அடிப்படைகள்,1980
• திறனாய்வுப் பிரச்சினைகள்,1980
• பாரதி நூல்களும் பாடபேத ஆராய்ச்சியும்,198
• இலக்கியச் சிந்தனைகள்,1983
• பாரதி ஆய்வுகள்,1984
• The Relation of Tamil and Western Literatures
• ஈழத்து இலக்கிய முன்னோடிகள்,1986
• On Art and Literature
• இரு மகாகவிகள்,1987
• On Bharathi,1987
• சர்வதேச அரசியல் நிகழ்வுகள்(1979-1982)

1982 Sri Lankan presidential election to support Hector Kobbekaduwa Sri Lanka Freedom Party

 

Message to Dispora by K.A.Subramaniam in 1982

Message to Dispora by K.A.Subramaniam in 1982 Length:2 Minutes

Video transcript of some excerpts from Comrade KA Subramaniam's message during a video recording for Comrade Devakumaran (Kumar) in Italy in June 1982 at 'Sathiamanai'. He was accompanied by Comrades S.K. Senthivel and S. Thevarajah.

'சத்தியமனையில் '1982அம்  ஆண்டு ,ஜூன் காலப் பகுதியில் இத்தாலியில் இருந்த தோழர் தேவகுமாரனுக்கான (குமார்) காணொளி உரையாடலின் போது தோழர் கே ஏ சுப்பிரமணியம் உரையாடிய சில  பகுதிகளின் காணொளி உரைவடிவம் .அவருடன் தோழர்கள் சோ .தேவராஜா , சி.கா.செந்தில்வேல் ஆகியோர் உடன் இருந்தனர்.

"Tamil comrades who may have left Sri Lanka, Sinhalese comrades who may be there must also work together to protect the unity and independence of the nation. The other is that they had to go here because of the real economic crisis and the problem of labor.

 Well, even if they take that position, they still believe that in the future it will work for the country, the need, the good and the freedom of the country. 

Kumar has now come and gone for the second time. He will also have experiences in Italy. Italy is undergoing the right changes. Economic and social developments have also taken place. What's left is that they must play an additional role in building Italy's economy and securing its independence, while at the same time protecting the country's independence and building its own economy. To that end, they mobilize the Sri Lankan youth there, educating them and explaining the conditions in the country so that they can do what they can!

From  4 minutes 10 seconds onwards it is age restricted due to the political views....

"இலங்கையிலிருந்து போயிருக்ககூடிய தமிழ்த் தோழர்கள் ,அங்கிருக்கக்கூடிய சிங்களத் தோழர்கள் ஒன்றுபட்டு தேசத்தின் ஐக்கியத்தையும்,,சுதந்திரத்தையும் பாதுகாப்பதற்க்காக கூடப் பாடுபடவேண்டும் .மற்றது இங்கே உண்மையிலேயே பொருளாதார நெருக்கடி காரணமாகத்தான் உழைப்பு பிரச்சனை சம்பந்தமாகத்தான் அவர்கள் போகவேண்டி வந்தது.

 சரி அவை அந்த நிலைமையை எடுத்திருந்தாலும் கூட, எதிர்காலத்திலையும் அதை நாட்டின்ரை , தேவைக்கும் நன்மைக்கும் நாட்டின் சுதந்திரத்திற்கும் அவை உழைப்பினம் என்று  நம்பிக்கை .ஆனால் அவை செய்வினம் என்று தான் நம்புகின்றேன் 

குமார் இப்போ இரண்டாவது முறை வந்து போய் இருக்கிறார். அவருக்கு இத்தாலி அனுபவங்கள் கூட இருக்கும் . இத்தாலி நாட்டிலை சரியான மாற்றங்கள் எற்பட்டு இருக்குது. அவையின்ரை  பொருளாதரா ,சமூக அபிவிருத்திகள் கூட நடந்திருக்கிறது. இன்னும் இங்கிருந்து போனவை இத்தாலி நாட்டு பொருளாதரத்தை கட்டி எழுப்புவதற்கும் , அதன்  சுதந்திரத்தை  பாதுகாப்பதறக்கும் அங்கே  அவை பாடுபடும் அதே வேளை , எங்கடை நாட்டு சுதந்திரத்தை பாதுகாக்கின்றதற்கும்  ,அதின்றை  பொருளாதரத்தை கட்டி எழுப்புவதிலையும்  அவை கூடுதல் பங்கு வகிக்கவேண்டும் . அதற்க்கு அவை அங்கேயுள்ள இலங்கை இளைஞர்களை அணிதிரட்டுவது  அவைக்கு கல்வியறிவைக் கொடுக்கிறது , நாட்டு நிலைமைகளை விளங்கப்படுத்துவதன் மூலம் அவை கூடிய சேவையை ஆற்ற முடியும் !"

1982 May Day Rally