Tribute to Poet E. Murugaiyan மூத்த கவிஞன் முருகையன் 19 கார்த்திகை 1986 காணொளி

மூத்த கவிஞன் முருகையன்.

-------------------
முருகையன் ஈழத்தின் முதன்மைக் கவிஞர்களுள்அருமைச் சீராடல் அனைத்திற்கும் அமைந்தவரே!பெருமைப் படுமளவு பாட்டாளி வர்க்கத்தின்உரிமைக்காய்க் குரல்கொடுக்கும் தாயகத்தின் வாயிலாகஒருமைப்பட்ட இதயத்துடன் ஒத்துழைப்பும் வழங்கிசரியான பார்வையுடன் சரித்திரக் கவிதைகள்...வரிசையில் முற்போக்கு வதனத்தில் ஓரமைதிபரிபாலன சேவையாம் பல்கலைக் கழகப்பதிவாளர்தெரிவுசெய்த மார்க்கமது முற்போக்குச் சிந்தனைகள்..பெரியோன் இவரென்று எல்லோரும் போற்றுவரே!

* * *

அல்லும் பகலும் தேசியகலை இலக்கியச்சொல்லும் செயலும் சுடரான சிந்தனையும்வல்லவராம் இருமொழியில் தாய்மொழிக்குத் தனியிடமாம்எல்லையில்லாத கவிதைகள் ஆயிரம் ஆயிரம்நல்ல கருத்துடன் நயம்பட வடித்தகவிஅத்தனையும் மானிடத்தின் அரிய விடியலுக்குசத்தமில்லா எதிர்கால விழிப்புணர்வுச் சூரியனாய்திங்களென்ற குயிலித் திருமகளும் மங்காத்தங்கமகன் கண்ணன் மாநிலத்தில் கண்மணிகள்...முல்லைச் சிரிப்பும் முறுவலித்த முகமுமாய்..இல்லையே இவனென்று நினைக்க முடியவில்லை!

* * *

மானிடன் அழிவதுண்டு மானிடம் அழிவதில்லை நானிலத்தே வாழுகையில் நலிந்தோர்க்குக் குரல்கொடுத்துஇறுதிமூச்சு இருக்கும்வரை என்னிதயக் கருத்துக்களைஅறுதியாக உரைபேனென அரும்பெரும் கவிதைகளில்வடித்து வைத்துச் சென்றதெல்லாம் மக்களின்துடிப்பை வெளிக்காட்டும் துல்லியப் பளிங்குபோலஅடியொற்றி வாழ்வோரின் அடிமனதில் ஒளிவிடும்விடிவெள்ளி ஆனவருள் முருகையன் முதற்கவிஞன்.

------------------ திருமதி. வள்ளியம்மை சுப்பிரமணியம்.

மணியான ஒரு மனிதரின் மறைவு

திரு. கே. ஏ. சுப்பிரமணியம் மறைந்து விட்டார். மக்கள் பலராலும் தோழர் என உரிமை பாராட்டப்படும் மணியத்தார் ஒரு மணியான மனிதர். அவர் உயரிய இலட்சியங்களை உயிரினும் மேலாக மதித்து வாழ்ந்தவர். வெறும் சிந்தனையாளர் அல்லர், தாம் மேற்கொண்ட கொள்கையின் பொருட்டு, அல்லும் பகலும் சோராது உழைத்தவர்; சாதனையாளர்.

அடக்கப்பட்டும் ஒடுக்கப்பட்டும். திசுக்கப்பட்டும் சுரண்டப் பட்டும் திண்டாடும் மக்கட் பிரிவினரின் விடிவுக்காகத் தமது சொல்லையும் செயலையும் அர்ப்பணித்த்வர். சாதியத்துக்கு எதிரான போராட்டங்களிலும் இயக்கங்களிலும் அவற்றின் அச்சாணி போல அமைந்து பயன்பட்டவர். அந்தத் தருணங்களில் அவர் காட்டிய துணிவும் ஊக்கமும் ஆற்றலும் வரலாற்று ஏடுகளிற் பதிவு பெற்றுவிட்ட பண்புகள்ா கும்.

மணியத்தாருடன் தனிப்பட்ட முறையிலே பழகும் வாய்ப்பு மிகவும் அண்மையிலே தான் எனக்குக் கிட்டிற்று. ஆனாலும் இந்த ஐந்தாறு ஆண்டுக் காலப்பகுதியில் அவருடைய இனிய இயல்புகள் பலவற்றை தெரிந்து கொண்டேன். நிதானமான சிந்தனைத் தெளிவும், காரியங்களை திட்டமிட்டு ஒழுங்கு படுத்தும் திறமையும் அவரிடம் நிறைய உண்டு.

கொள்கை விளக்கங்களான பிரசுரங்களையும் நூல்களையும் வெளிக்கொணர்வதில் அதிக ஆர்வத்தை அவர் அண்மைக்காலங்களிலே காட்டி வந்தார். கருத்தரங்குகளும் ஆய்வுரைக் கூட்டங்களும் அடிக்கடி நடக்க வேண்டும் என்பதும் அவர் விருப்பமாகும். நோய்வாய்ப்பட்டிருந்த வேளையிலும் வருங்கால வேலைத் திட்டங்களை பற்றிய எண்ணங்களே அவர் சிந்தனையை நிறைத்திருந்தன

இவ்வாறான ஒரு பெரியவர் நம்மை விட்டுப் பிரிந்தமை பெருந் துயர் தருவதாகும். அவரது பிரிவினால் வருந்தும் உறவினர்களுக்கும் நண்பர்களுக்கும் அபிமானிகளுக்கும் நமது அநுதாபம் உரியது

நீர்வேலி தெற்கு, இ. முருகையன்

 

My daughter's Marriage was conducted by Poet Dr.E.Murugaiyan on 19 November 1986 in Jaffna மூத்த கவிஞன் முருகையன் 19 கார்த்திகை 1986 காணொளி

நடேசன். இரவீந்திரன் சுப்பிரமணியம். சத்தியமலர்

திருமண வாழ்த்து----------- 19-11-1986.

நடேசனார் பயந்த மைந்தன் இரவீந்திரன் வாழ்வில் என்றும்தொடர்நலம் பெருகவேண்டும் சுவைபயன் விரியவேண்டும்கடமையில் மட்டும் அன்றி கல்வியில்..அறிவில்...ஆய்வில்..திடமுடன் முன்னேற்றங்கள் சேர்ந்திடல் மிகவும் வேண்டும்.

* * * *

சுப்பிர மணியத்தாரின் தொண்டுகள் மணக்கும் இந்தச்சத்திய மனையில் வாழும் சத்திய மலரின் வாசம்ஒப்பிலா விதத்தில் மேலும் ஓங்குகஇப்புவி நயக்கும் வண்ணம் இன்பமே நிறைந்து வாழ்க.
* * * *
இரவி என்போன் கதிரோன் ஆவான் இரவிமுன் கமலம் பூக்கும்மலர் முகம் ஒளிரும் இந்த வாய்ப்பை நாம் நினைத்தல் வேண்டும்இவர்- பொழுதெலாம் கூடி இன்பத்தில் திழைத்தல் வேண்டும்வலிமையும் வளமும் வாய்ந்த மக்கட்பேறு அடைதல் வேண்டும்.

* * * *

புதுமண மங்கலத்தின் பொலிவினைப் போற்றுகின்றோம்பிறர்நலன் அறிந்து கொண்டு எண்ணத்தால் பகுத்துக் காணும்அறத்தினால் உறவு பூணும் ஆர்வத்தைப் போற்றுகின்றோம்அறிவினைப் போற்றுகின்றோம் தெளிவினைப் போற்றுகின்றோம்.

* * * *

எண்ணத்தில் இனிக்கும் இந்நாள் இன்பத்தின் குறியீடாகும்வண்ணத்தார் மலரினோடு ரவியெனும் மணம் கலந்தகிண்ணத்தில் கனிச்சாறாக திழைக்கட்டும் வாழ்க்கையின்பம்உண்ணத்தேன் தமிழ்நாளென்று உவகையால்....புதுமண மக்கள் சேர்ந்த புதுமையை உரைத்தோம் வாழ்க்!

அன்புடன்சபையோர் சார்பாக.. இ- முருகையன்.நீர்வேலி, 19-11-1986.

2 Video Clips each 2 minutes are available at the links below

Part 1 of Wedding conducted by Poet Dr.E.Murugaiyan on 19 November 1986 in Jaffna

Part 2 of Wedding conducted by Poet Dr.E.Murugaiyan on 19 November 1986 in Jaffna

மணியத்தார் குறிக்கோள் வீரர் - கவிஞர் இ. முருகையன் 1999 கார்த்திகையில் எழுதியது.

 

மணியத்தார் குறிக்கோள் வீரர்

— முருகையன்

சுப்பிரமணியம் என்று

சொல்லிய மாத்திரத்தே

பற்பல எண்ணம் சூழ்ந்து

படர்ந்திடும் – தொடர்ந்து நீளும்.

ஒப்புரவாளர் கே. ஏ.

உன்னத இலட்சியங்கள்,

நற்பணி – இவற்றுக்காக

நாள் தொறும் உழைத்து வந்தார்

அறுபத்தெட் டாண்டின் முன்னால் (1931)

அழகிய ஈழ மண்ணில்

வடபக்கப் புலத்தில் தோன்றி

வாலியப் பருவம் கண்டு,

முறுகிய செயல்வீரத்தின்

முனைப்புடன் மலர்ந்து நின்றார்.

உறுதியும் உணர்வும் ஓயா

ஊக்கமும் பூண்டு கொண்டார்.

சீமெந்துத் தொழிற்கூடத்தின்

பயிலுநர் ஆகச் சேர்ந்து,

போய் வந்து பணிகள் ஆற்றி

உழைப்பிலே திளைத்த வேளை,

ஆர்வங்கள் புதிசாய்த் தோன்ற

அங்குள்ள தொழிற் சங்கத்தின்

ஊழியம் சிறக்க வேண்டி

ஒரு பெரு முயற்சி செய்தார்.

உழைப்பவர் உரிமை வேட்கை

ஓங்கிடுமாறு தூண்டும்

தொழிற்சங்கத் துறையில் எய்தித்

தொண்டராய் மாறிவிட்டார் –

விழிப்பொன்றின் துவக்கம் கண்ட

மேல் நிலை ஆட்கள் கூடி,

குழப்பினாய் அமைதி என்று

கோபித்து முரண்டினார்கள்.

சரி–பிழை ஓர்ந்து கண்டார்,

தளர்ச்சியே அறியார், கே–ஏ.

பரபர என்று மேலும்

பணிகளில் ஈடுபட்டார்.

விறிவிலா அறிவினோர்கள்

விடுத்ததோர் சவாலை ஏற்றுப்

பதவியைத் தூக்கி வீசிப்

பாட்டையை மாற்றி விட்டார்.

* * *

மாக்சிய நெறியைக் கற்றார்,

மக்களின் நலத்துக்கான

ஆக்கங்கள் எந்தவாறாய்

அமைவன? என்ற கொள்கை

மார்க்கத்தைத் தேர்ந்து கண்டார்,

வழிமுறை வகுத்தாராய்ந்தார்.

தேக்கமுற்றிருந்த நாட்டைச்

சிறப்பிக்கத் தீர்மானித்தார்.

காத்தியர், பொன் கந்தையர்,

கட்சிப்பற்றாளர் எம் – சி.,

டாகுத்தர் சீனி... மற்றும்

வைத்தியலிங்கர் என்னும்

கீர்த்திசால் அறிஞரோடு

கெழுமிய ஈடுபாட்டால்,

தோற்றிய தெளிவு, தேர்ச்சி,

சுடர்கிற போதம் பெற்றார்.

தொழிற்சங்கத் தொண்டு தந்த

துய்யதோர் பண்பாட்டாலே,

எழுச்சியும் நிதானம் சார்ந்த

இயற்கையின் பதிவும் பெற்றார்.

செழிப்புள்ள கல்வி தோன்றும்

தேசிய மயத்தால் என்று

முழுப்பெரு முயற்சி வாய்ந்த

இயக்கத்தில் முனைந்து நின்றார்.

வாலியர் இயக்கத்துக்கும்

வலிமையை ஊட்டி வென்றார்.

சாதியப் பாம்பு சாகத்

தடியடி மிண்டர் ஆனார்

ஆதிக்க வர்க்கத்தாரின்

அடாவடித் தனங்கள் சாய

மோதற்குத் தயங்காராகி

முன்சென்று முகம்கொடுத்தார்.

உலகத்துப் பொதுமியத்தில்

உடைவொன்று நேர்ந்த வேளை,

மலைவுற்று மயங்கல் இன்றி

மாவோ சே துங் நெறியிற் சென்ற

லெனினியம் – மாக்சியத்தின்

நியாயத்தை உணர்ந்து கொண்டு

இடது கம்யூனிஸ்ட் கட்சி

என்பதைத் தழுவி நின்றார்.

புத்தகவாதம், வெற்றுப்

புலம்பல்கள், சுலோகக் கூச்சல்,

அர்த்தமில்லாத கத்தல்,

அலட்டல்கள், ஆட்சி மன்ற

வித்தைகள், தேர்தல் கூத்தின்

வியார்த்தத்தை உணர்ந்து

கொண்டே

உட்கட்சி நிலையில் நின்றும்

உண்மைக்காய்க் குரல்

கொடுத்தார்.

வெகுசனப் போராட்டத்தின்

மேன்மையும் தேவையுமாகும்

அவசியப் பாங்கும் நோக்கி

அவைகளை முன்னெடுத்தார்.

வகைவகையான தொண்டு

முனைமுகம்வகுத்துக் கொண்டு,

தொகுதிகள், குறிச்சி, ஊர்கள்

தொறும் தொறும் எழுச்சி கண்டார்.

தீண்டாமை ஒழிக்கும் கொள்கைச்

சிறப்பியல் வேள்வி ஆற்றிப்

பூண்டோடு சாதியத்தைப்

பொசுக்கிடக் கொள்ளி தொட்டார்.

ஆண்டோர்கள் உழைப்போர் தம்மை

அடக்கிடச் சூழ்ச்சி செய்தால்,

'மாண்டேனும் காப்போம் நீதி,

வாருங்கள்!' என்று நின்றார்.

இடது கம்யூனிஸ்ட் கட்சி

எழுந்ததாம், எழுபத்தெட்டில்

கடுகியே வளர்ந்த கட்சித்

தேசிய மாநாட்டின்கண்

பொதுச்செயலாளர் ஆனார்.

பொறுப்புடன் இயங்கி வந்தார்.

முதற்பணி கட்சிக்கென்று

முனைப்பொடு செயலில் நின்றார்.

இனமேன்மை வெறியாட்டாலே

இலங்கையே எரியும் வேளை,

கடுவேகமான நாட்டுப்

பிரிவினை சாலாதொன்றார்;

சனமேன்மை, இறைமை, தாம் தாம்

தம் நிலை நிர்ணயிக்கும்

திடமான உரிமைப் பேற்றின்

தேவையை உணர்த்தி வந்தார்.

இந்திய மேலாதிக்கம்

இலங்கையை விழுங்க வந்தால்,

அந்த ஓர் நிலைமை தன்னை

அனுமதித்திடுதல் நன்றோ?

இந்த நாட்டவர்கள் எல்லாம்

இசைந்தொன்றாய் எதிர்க்க வேண்டும்;

சொந்த நாட்டன்பு பூண்டு

தொழிற்படல் வேண்டும் என்றார்.

அரசியல்வாதியாக மாத்திரம்

நின்றார் அல்லர்.

கலைகளை விரும்பிப் போற்றும்

சுவைஞராய், அறிவே எங்கும்

பரவிட, நூல்கள், ஏடு

பாட்டுகள், கூத்து யாவும்

பொலிவோடு பெருக வைக்கும்

புது நல ஆர்வம் கொண்டார்.

தேசிய இலக்கியங்கள்,

செந்தமிழ்ப் பதிப்பு வேலை,

ஆசியப் பண்பாடென்ற

அமைவுகள் பற்றி எல்லாம்

பேசிடல் மட்டும் அன்றிப்

பிரசுர முயல்வின் மீதும்

ஆசை கொண்டு, ஊக்கம் நல்கி

ஆதரவளித்து நின்றார்.

பொருளியல் ஏற்றத் தாழ்வுப்

பூசல்கள், சுரண்டல், நாசக்

கிருமிகள் முழுதும் போக்கி,

கீழ்நிலை ஒழித்து நீக்கும்

பெரியதோர் இலட்சியத்தைப்

பேணவும், இந்த நாட்டின்

உரிமையும் வளமும் பண்பும்

ஓங்கவும் உழைத்தார், தோழர்.

* * *

மணியத்தார் வளர்த்த அந்த

மாண்புசால் இலட்சியங்கள்,

உணர்வுக்கே ஊட்டம் தந்த

உள்ளொளித் தேர்ச்சி ஞானம்,

துணிவுக்கும், சித்த நேர்மைத்

தூய்மைக்கும், மக்கள் சக்திப்

பணிவுக்கும் வாழ்வைத் தந்த

பண்பாட்டைப் போற்றுகின்றோம்.

புது ஜனநாயகத்தை,

புதுக்கலாசாரம் தன்னை,

புதிய நாகரிகம் என்ற

பொதுமியம் பயிரை நாடி,

விதையிட்டுத் தண்ணீர் பாய்ச்சி

விட்டவர் மணியர் என்போம்;

எதிர்வரும் காலத்துக்காய்

இயற்றினார் தவங்கள் என்போம்.

பாடுபட் டுழைப்போருக்கே

பாரெலாம் சொந்தம் என்றும்

கேடுகெட்டுழுத்த புன்மைக்

கீழ் நிலை அமைப்பை மோதிச்

சாடுவம் என்றும் உந்தும்

சமதர்மப் போர்க் குணத்தின்

பீடுகள் முழுக்க வந்த

பெரியவர், கே. ஏ. என்போம்.

* * *

மணியத்தார் கொள்கை வாழ்க;

வாழ்க்கையின் நோக்கம் வாழ்க;

மணியத்தார் பேணிக் காத்த

விழுமிய மாட்சி வாழ்க;

மணியத்தார் குறிக்கோள் வாழ்க;

மனுக்குலம் முழுதும் வாழ்க,

மணியத்தார் பணியால் நேர்ந்த

மலர்ச்சியின் மணங்கள் நீள்க.

குறிப்பு:

சி.கா. செந்திவேல் அவர்களின் உரையொன்றைப் பின்பற்றி இயற்றப்பட்டது. செய்யுள் 7 இல் குறிக்கப்படும் அறிஞர்கள் :

• மு. கார்த்திகேசன்

• டாக்டர் சு.வே. சீனிவாசகம்

• பொன். கந்தையா

• அ. வைத்தியலிங்கம்

• எம். சி. சுப்பிரமணியம்

• புதிய பூமி 1999
• http://noolaham.net/project/58/5721/5721.pdf Page II